გაკვეთილის გეგმები

                  სამოდელო ინტეგრირებული გაკვეთილის 

                                      გეგმა გეოგრაფიაში

ინტეგრირება	მუსიკასთან, ხელოვნებასთან
მასწავლებელი გაკვეთილის ჩატარების თარიღი	ნუგზარ კობერიძე 30 მაისი 2019 წელი
საგანი	გეოგრაფია
კლასი	მე-9
მოსწავლეთა პროფილი	14 მოსწავლე სსსმ კლასში არ არის
გაკვეთილის თემა	თანამედროვე ტერიტორიულ ადმინისტრაციული მოწყო-ბა,ზოგადი მიმოხილვა
გაკვეთილის მიზანი	მოსწავლე მსჯელობს საქართველოს კუთხეებში გავრცელებული ტრადიციების, სუფრისა, რიტუალების თვითმყოფადობაზე.
თემის აქტუალობა	მოსწავლეებმა თემა შეისწავლონ ხელოვნებასა და მუსიკასთან კავშირში
მისაღწევი შედეგი კლასისათვის ესგ მიხედვით	გეო.IX.10.მოსწავლეს შეუძლია გაანალიზოს ქართული ტრადიციები გეოგრაფიულ თავისებურებებთან მიმართებაში. მუსიკა.IX.6.მოსწავლეს შეუძლია მოიძიოს როგორც თეორიული,ასევე მუსიკალური (აუდიო და ვიდეო  მასალა) და გამოიყენოს პრეზენტაციის დროს. ხელოვნება.IX.7.მოსწავლე ამოიცნობს და ადარებს ერთმანეთს სხვადასხვა ეპოქისა და სტილის ნამუშევრებს
წინარე ცოდნა	მოსწავლემ იცის საქართველოს გეოგრაფიული მდებარე-ობის, ტერიტორიულ ადმინისტრაციული ისტორიის შესახებ.
სასწავლო მასალა და რესურსი	კომპიუტერი, პროექტორი, ეკრანი, საქართველოს ფიზიკური და პოლიტიკურ ადმინისტრაციული დაყოფის რუკა,კონტურული რუკები.
შეფასება	თვითშეფასება, განმავითარებელი შეფასება

                                    გაკვეთილის მსვლელობა

კლასის ორგანიზება (1წთ)

აქტივობა 1: წინარე ცოდნის გააქტიურება (3წთ)
აქტივობის მიზანი:მოსწავლეთა წინარე ცოდნის შემოწმება
აქტივობის აღწერა: კლასის წინაშე ვსვამ შემდეგ კოთხვებს:
ა) რომელი ლექსით შეიძლება გამოვხატოთ საქართველოს გეოგრაფიული მდებარეობა?
ბ)როგორი იყო საქართველოს ტერიტორიულ ადმინისტრაციული დაყოფა მეფის რუსეთის დროს 1901წლისათვის?
გ)როგორი იყო საქართველოს ტერიტორიულ ადმინისტრაციული მოწყობა 1930წლისათვის?
დ)როგორი იყო საქართველოს ტერიტორიულ ადმინისტრაციული მოწყობა 1989წლისათვის?

აქტივობა 2: მინი ლექცია (4წთ.)
აქტივობის მიზანი: გავაცნო მოსწავლეებს თანამედროვე ტერიტორიულ ადმინისტრაციული მოწყობის შესახებ.
აქტივობის აღწერა: ვუხსნი მოსწავლეებს,რომ დამოუკიდებლობის აღდგენის შემდეგ დღის წესრიგში დადგა საქართველოს ახალი ტერიტორიულ ადმინისტრაციული მოწყობის საკითხი და საქართველო დაიყო 12 ადმინისტრაციულ მხარედ.ვაჩვენებ ყველას რუკაზე. შემდეგ მოსწავლეებს ვთხოვ განვიხილოთ თითოეული ადმი-ნისტრაციული ერთეული ცალცალკე.

აქტივობა3: პრეზენტაცია და ვიდეოკლიპის ჩვენება(28წთ)
აქტივობის მიზანი: ვიდეოკლიპის საშუალებით შევასწავლი მოსწავლეებს საქართველოს მხარეები.
აქტივობის აღწერა: მოსწავლეებს შევახსენებ,რომ მათ დავალებული ჰქონდათ მოეძიათ მასალები თითოეულ მხარეზე.მოსწავლეები გამოდიან და წარმოადგენენ თავიანთ მომზადებულ მასალას მოკლედ და ვუჩვენებთ ვიდეოკლიპს დასახელებულ მხარეზე(პრეზენტაცია და ვიდეოკლიპის ჩვენება მოხდება თორმეტივე მხარეზე.

აქტივობა 4: სიმღერის პრეზენტაცია(2წთ)
აქტივობის მიზანი: მოსწავლეებმა წარმოადგინონ თავისი დამოკიდებულება სამშობლოსადმი
აქტივობის აღწერა:მოსწავლეები შეძლებისდაგვარად მღერიან სიმღერას: ლექსის  ავტორი ილია ჭავჭავაძე ,,ჩემო კარგო ქვეყანავ“. მუსიკის ავტორი რევაზ ლაღიძე.

აქტივობა 5: რუკასთან მუშაობა (3წთ)
აქტივობის მიზანი: მასალის ათვისების შემოწმება
აქტივობის აღწერა: მოსწავლეები მუშაობენ რუკასთან ინდივიდუალურად და აჩვენებენ საქართველოს ადმინისტრაციულ ერთეულებს.

საშინაო დავალება: (2წთ)

კონტურულ რუკაზე დაიტანონ საქართველოს მხარეები , გააფერადონ სხვადასხვა ფერად და დააწერონ მხარეებს შესაბამისი სახელები.

შეფასება:(2წთ)

თვითშეფასება:მოსწავლეებს ვეკითხები ვინ თვლის, რომ ამ გაკვეთილმა გარკვეული ცოდნა შესძინა.მოსწავლეები ხელის აწევით ადასტურებენ.

მასწავლებლის შეფასება:  ვაფასებ განმავითარებელი შეფასებით

გაკვეთილის ნახვა შესაძლებელია ღვანკითის საჯარო სკოლის Facebook-ის გვერდზე. 

იხილეთ ვიდეო მასალა:  
https://www.facebook.com/100029695891867/videos/177514076581788/?id=100029695891867&__tn__=%2CdlC-R-R&eid=ARAINK00EM6gcm1Y2Uid9d6KrVLoNvTfZrhL5hLTONGZZ-igQeajp9XuNtnPf04gheOPNaBEDkMJFUlq&hc_ref=ARSi-fjYgH_LrOifkZPqxPvPoYpbrdlawLHlNrB-A6JPtz0OLBGxZXrFruK1gnZVkzA

პრობლემაზე ორიენტირებული გაკვეთილის გეგმა

მასწავლებელი	ნუგზარ კობერიძე
საგანი	ბუნებისმცოდნოება
გაკვეთილის ჩატერების თარიღი	17 მაისი  2019 წელი
სწავლების საფეხური	საბაზო
კლასი	მე-5
საგაკვეთილო დრო	45წთ.
მოსწავლეთა პროფილი	16 მოსწავლე  1 მოსწავლე სსსმ
გაკვეთილის გეგმა:	დედამიწის აგებულება, პრაქტიკული მეცადინეობა
თემის აქტუალობა:	მოსწავლეებს უჭირთ მარტო თეორიული ცოდნით ნათლად გადმოსცენ დედამიწის სტრუქტურული ელემენტები.
გაკვეთილის მიზანი:	მოსწავლემ შეძლოს სქემაზე ამოიცნოს და დაასახელოს  დედამიწის სტრუქტურული ნაწილები
მისაღწევი შედეგი კლასისათვის	მოსწავლეს შეუძლია დაასახელოს დედამიწის სტრუქტურუ- ლი ელემენტები (ბირთვი, მანტია, ქერქი)
ესგ სტანდარტი	ბუნ.V.7.მოსწავლემ უნდა შეძლოს დედამიწის სტრუქტურისა და  დედამიწის ქერქში მიმდინარე პროცესების დახასიათება
შედეგი თვალსაჩინოა: სსსმ მოსწავლისათვის	თუ მოსწავლე ამოიცნობს და ასახელებს  დედამიწის სტრუქ-ტურულ ნაწილებს  მოსწავლემ შეძლოს დედამიწის ფორმის წარმოდგენა
წინარე ცოდნა სსსმ მოსწავლისათვის	მოსწავლემ იცის დედამიწის ფორმის , წყლისა და ხმელეთის განაწილების შესახებ დედამიწის ზედაპირზე მოსწავლემ უნდა იცოდეს დედამიწის ზედაპირის მრავალფეროვნების წარმოგდენა
სასწავლო მასალა და რესურსები	სხვადასხვა ფერის პლასტილინი, გლობუსი, რუკა, დაფა, ცარცი, სახელმძღვანელო, მოხარშული კვერცხი
კლასის ორგანიზების ფორმა	საერთო საკლასო, ჯგუფური
შეფასების ფორმები	ურთიერთშეფასება, თვითშეფასება, განმავითარებელი შეფასება

 

                               გაკვეთილის  მსვლელობა

კლასის ორგანიზება: 2წთ.

აქტივობა1. წინარე ცოდნის გააქტიურება (6წთ)

აქტივობის მიზანი: გავლილი მასალის ცოდნის შემოწმება

აქტივობის აღწერა: მასწავლებელი კლასის წინაშე სვამს კითხვებს:

1.რომელ პლანეტაზე ვცხოვრობთ ჩვენ?
2.რატომ ეწოდება დედამიწას გეოიდი?
3.რომელი მეტია დედამიწაზე წყალი თუ ხმელეთი?
4.რა ფართობი უჭირავს დედამიწაზე წყალს?
5.რა ფართობი უჭირავს დედამიწაზე ხმელეთს?
კითხვა სსსმ მოსწავლეს: როგორი ფორმა აქვს დედამიწას?

აქტივობა2. მოტივაციის ამაღლება (5წთ.)

აქტივობის მიზანი: მოსწავლეებში აღძრას ინტერესი ახალი მასალისადმი

აქტივობის აღწერა: ვუჩვენებ მოსწავლეებს კურკოვანი ხილის ნაყოფს, ვჭრი დანით და ვადარებ მის შინაგან აგებულებას დედამიწის სტრუქტურას

კითხვა სსსმ მოსწავლეს რომელია კაბინეტში დედამიწის მოდელი?

აქტივობა3.ვიდეორგოლის ჩვენება (9წთ.)

აქტივობის მიზანი: დედამიწის შინაგანი აგებულების თვალნათლივ წარმოდგენა

აქტივობის აღწერა: კომპიუტერის საშუალებით ვაჩვენებ ვიდეორგოლს დედამიწის შინაგანი აგებულებისა და წარმოშობის შესახებ

აქტივობა4. მინი ლექცია (6წთ.)

აქტივობის მიზანი: წარმოდგენის შექმნა დედამიწის შინაგანი აგებულების შესახებ

აქტივობის აღწერა: დაფაზე ვაკეთებ დედამიწის შინაგანი აგებულების ნახაზს, ვუკეთებ წარწერებს სტრუქტურულ ნაწილებს ვიღებ მოხარშულ კვერცხს,ვჭრი დანით შუაზე და კვერცხის შემადგენელ ნაწილებს (გული,ცილა,ნაჭუჭი) ვადარებ დედამიწის სტრუქტურულ ელემენტებს.

აქტივობა5. ჯგუფური მუშაობა (12წთ)

აქტივობის მიზანი: მოსწავლეებმა დამოუკიდებლად შექმნან დედამიწის შინაგანი  აგებულების მოდელი.

აქტივობის აღწერა: მოსწავლეები სხვადასხვა ფერის პლასტელინის საშუალებით აკეთებენ დედამიწის შინაგანი აგებულების მაკეტს. (ბირთვი, მანტია და ქერქი)

ჯგუფები ირჩევენ პრეზენტატორებს.პრეზენტატორები წარმოადგენენ დამზადებულ დედამიწის მოდელს, დანით ჭრიან შუაზე და აკეთებენ პრეზენტაციას.

დავალება სსსმ მოსწავლეს დახატე დედამიწის მოდელი.

საშინაო დავალება: (2წთ) სახელმძღვანელოში მოცემული ილუსტრაციის მიხედვით გააკეთონ დედამიწის მაკეტი პლასტილინის საშუალებით

სსსმ მოსწავლეს დახატე დედამიწა, გამოყავი წყალი და ხმელეთი.

შეფასება: (3წთ.) ურთიერთშეფასება, თვითშეფასება, განმავითარებელი შეფასება.

ფოტო მასალა

           სამოდელო  ინტეგრირებული  გაკვეთილის  გეგმა

მასწავლებელი	ნუგზარ კობერიძე
კლასი	მე-7
საგანი	გეოგრაფია-ინტეგრირება მათემატიკასთან
დრო	45წუთი
მოსწავლეთა პროფილი	11 მოსწავლე. სსსმ მოსწავლე არ არის
გაკვეთილის თემა	გეოგრაფიული კოორდინატები
გაკვეთილის მიზანი	მოსწავლე შეძლებს განსაზღვროს რუკაზე საკოორდინატო ბადის  ძირითადი ელემენტები.რუკის საშუალებით განსაზღვროს გეოგ-რაფიული ობიექტების კოორდინატები.დაუკავშიროს ერთმანეთს და იპოვოს მათემატიკური და გეოგრაფიული კოორდინატების მსგავსება-განსხვავება.წარმოდგენის შექმნას მათემატიკური ხერ-ხებით მანძილების  გაზომვის შესახებ დედამიწის ზედაპირზე.
მოსალოდნელი შედეგი	წერტილის გეოგრაფიული კოორდინატების განსაზღვრა. წარმოდგენის შექმნა მათემატიკური ხერხებით მანძილების გაზომვის შესახებ დედამიწის ზედაპირზე
ესგ სტანდარტი	გეოVII.3.შედეგი თვალსაჩინოა თუ მოსწავლე რუკაზე განსაზღვ-რავს  საკოორგინატო ბადის ძირითად ელემენტებს და მათი საშუალებით მოძებნის გეოგრაფიულ ობიექტებს. მათ.VII.12.კოორდინატთა მეთოდების გაცნობა VII. 9. და. VII. 10.სამკუთხედის თვისებები
საჭირო წინარე ცოდნა	მოსწავლემ იცის ჰორიზონტის მხარეები. გაგნება კომპასით. აზი-მუტის,ჯი-პი-ეს-ის შესახებ.გლობუსი და გეოგრაფიული რუკა.
შეფასების ფორმა	ურთიერთშეფასება.   განმავითარებელი და განმსაზღვრელი შეფასება
სასწავლო მასალა და რესურსები	სახელმძღვანელო, დაფა, ცარცი, გეოგრაფიული რუკები, გლობუსი, ფარგალი, სახაზავი.

                          

გ  ა  კ  ვ  ე  თ  ი  ლ  ი  ს      ს  ც  ე  ნ  ა  რ ი

აქტივობა 1. კლასის ორგანიზება  (2წთ.)

აქტივობის მიზანი:მოსწავლეების რაოდენობის დადგენა კლასში

აქტივობის აღწერა: კლასში მოსწავლეთა რაოდენობის დადგენა. გაკვეთილის თემისა და მიზანის გაცნობა,შეფასების რუბრიკებსა და  ქცევის წესების შეხსენება.

A ფაზა

აქტივობა 2.  წინარე ცოდნის გააქტიურება (4წთ.)

აქტივობის მიზანი:გავლილი მასალის ცოდნის შემოწმება

აქტივობის აღწერა; მასწავლებელი სვამს კითხვებს კლასის წინაშე:

1.ჩამოთვალეთ ჰორიზონტის მხარეები.

2.როგორ შეგვიძლია ჰორიზონტის მხარეების მოძებნა?

3.რა არის კომპასი?

4.რას ეწოდება აზიმუტი?

5.რა არის ჯი-პი-ეს-ი?

6.რას ეწოდება გეოგრაფიული რუკა?

აქტივობა 3. მოტივაციის ამაღლება (5წთ.)

აქტივობის მიზანი:მოსწავლეებში გააღვიოს ინტერესი გეოგრაფიისა და მათემატიკის ურთიერთკავშირის შესახებ და ახალი მასალის ახსნისადმი.

აქტივობის აღწერა:მასწავლებელი სთხოვს მოსწავლეებს დააკვირდნენ ნახევარსფეროების რუკას და რუკაზე დაკვირვებით აღმოაჩინონ მათემატიკური ელემენტები. გაიხსენონ მათემატიკის კურსიდან აბცისათა და ორდინატთა ღერძი და კოორდინატები.მოსწავლეები  პასუხობენ შეძლებისდაგვარად.შეცდომებს მასწავლებელი ასწორებს და აძლევს მოსწავლე-ებს განმავითარებელ შეფასებას.

B ფაზა

აქტივობა:4. მინი ლექცია (14წთ.)

აქტივობის მიზანი:გეოგრაფიული განედისა და გრძედის არსის გაცნობა.

აქტივობის აღწერა: შევახსენებ მოსწავლეებს დედამიწის ფორმისა და მოძრაობის შესახებ. დაფაზე ვხაზავ დედამიწის მოდელს წრეხაზის სახით:პოლუსების,ეკვატორის,პარალელებისა და მერიდიანების აღნიშვნით.განვმარტავ ეკვატორისა და ნულოვანი მერიდიანის არსს.ვაძ-ლევ მოსწავლეებს გეოგრაფიული განედისა და გრძედის განმარტებებს.შევახსენებ მათემატი-კურ კოორდინატებს და განუმარტავ გეოგრაფიულ კოორდინატებს.ვაჩვენებ ნახაზზე და შემდეგ რუკაზე წერტილის გეოგრაფიულ კოორდინატებს.ავიღებ ნებისმიერ რიცხვით გეოგრაფიულ განედსა და გრძედს,მოვძებნი მათ გადაკვეთის წერტილს კოორდინატს. მათე- მატიკური ელემენტების,კერძოდ სამკუთხედის თვისებებით დედამიწის გარშემოწერილობას განვსაზღვრავ. ლექცია მიდის საუბრის მეთოდით მოსწავლეებთან უკუკავშირში.

აქტივობა:5. ჯგუფური მუშაობა (8წთ.)

აქტივობის მიზანი:გადაცემული მასალის ათვისების შემოწმება

აქტივობის აღწერა:კლასს ვყოფ სამ ჯგუფად.თითოეულ ჯგუფს ვაძლევ დავალებას წინასწარ  გამზადებული ბარათებით.გეოგრაფიული გრძედით და განედით წერტილის მოძებნის და მოცემული წერტილის გეოგრაფიული გრძედის და განედის განსაზღვრის შესახებ.მოსწავლე-ები ასრულებენ მიცემულ დავალებებს.

აქტივობა 6. პრეზევტაცია (7წთ.)

აქტივობის მიზანი:ჯგუფებში მიცემული დავალების შესრულების შემოწმება

აქტივობის აღწერა:ცალკეული ჯგუფებიდან პრეზენტატორები წარმოადგენენ  ჯგუფების ნამუშევარს და აკეთებენ პრეზენტაციას.არასწორი პასუხის შემთხვევაში სხვა ჯგუფის წევრე-ბთან ერთად ვასწორებთ შეცდომას.

C ფაზა

აქტივობა 7. შეჯამება-შეფასება (3წთ.)

აქტივობის მიზანი: გაკვეთილის ბოლოს მიღწეული მიზნის ხარისხის შემოწმება და მოსწავლეთა შეფასება

აქტივობის აღწერა: ვაფასებ გაკვეთილს. წარმოვაჩენ მიღწეულ შედეგს. მოსწავლეები აფასებენ ერთმანეთს, შემდეგ მე ვაფასებ მოსწავლეებს განმავითარებელი და განმსაზღვრელი შეფასებით. შეფასების რუბრიკები თან ერთვის.

საშინაო დავალება (2წთ.)

მოსწავლეებს ვაძლევ რამდენიმე გეოგრაფიულ ობიექტის დასახელებას და ვთხოვ მოძებნონ რუკის დახმარებით მათი გეოგრაფიული კოორდინატები. ასევე ვაძლევ რამდენიმე გეოგრაფიულ კოორდინატს და ვთხოვ მოძებნონ ეს წერტილები რუკაზე.